დარბაზის დებულება

დ ე ბ უ ლ ე ბ ა

საქართველოს არქიტექტორთა საერთო ეროვნული დარბაზი

• დარბაზი წარმოადგენს საქართველოში არქიტექტურულ დარგში მოქმედ ნებისმიერ იურიდიული სტატუსის მქონე გაერთიანებიდან (ორგანიზაციიდან) ნებაყოფლობით დელეგირებულ პირთა წევრობაზე დაფუძვნებულ სათათბირო ორგანოს.
• დარბაზის მიზანია არქიტექტურის დარგში მიმდინარე პროცესებზე,  მათ შორის შესაბამის სახელმწიფო სტრუქტურების მუშაობაზე  მუდმივი მონიტორინგი.
• დარბაზი, მონიტორინგის მასალებზე დაყრდნობით შეიმუშავებს სათანადო დასკვნებსა და  რეკომენდაციებს, რომლებსაც რეაგირებისათვის გადასცემს სათანადო სახელმწიფო  სტრუქტურებს და ნებისმიერ დაინტერესებულ მხარეს.
• დარბაზი დაფუძნდა საქართველოს არქიტექტორთა კავშირის ინიციატივით, რომლის შეხვედრებისა და მუშაობის, ასევე ტექნიკურ და ფინანსურ მხარდაჭერას უზრუნველყოფს კავშირის ადმინისტრაცია.

დარბაზის მიზნები:                                                        

1. დარგის მართვაში დემოკრატიული პრინციპების დამკვიდრება;
2. არქიტექტურულ საზოგადოებაში სამართლებრივი თვითშეგნების ამაღლება;
3. არქიტექტურულ-ქალაქმშენებლობის სფეროში გადაწყვეტილების შემუშავებისას პროფესიული აზრის გააქტიურება;
4. დარგის მართვისა და განვითარებისათვის სათანადო სამართლებრივი და ინსტიტუციური უზრუნველყოფის ხელშეწყობა.

ამ მიზნების მისაღწევად დარბაზი, როგორც საზოგადოებრივი ინსტიტუტი, ახორციელებს დარგში მიმდინარე პროცესებზე, მათ შორის სამთავრობო და სახელისუფლებო სტრუქტურების მუშაობაზე მუდმივ მონიტორინგს.